Łukašenka: U Rasii svaje pohlady na raźvićcio Biełarusi. I heta pravilna
Alaksandr Łukašenka zajaviŭ, što suvierenitet Biełarusi źjaŭlajecca śviatym, ale zaklikaŭ pamiatać pra hłabalnyja intaresy Rasii i pohlady Maskvy na raźvićcio Biełarusi.
Fota: Viktar Tałočka, Sputnik via AFP
Pra heta jon zajaviŭ na sustrečy sa staršynioj Pałaty pradstaŭnikoŭ Uładzimiram Andrejčankam, paviedamlaje jaho pres-słužba.
«Ciapier my vielmi aktyvizavalisia pa pracy na rasijskim kirunku. Suvierenitet, niezaležnaść — heta śviatoje. Intaresy biełaruskaha naroda. Ale treba razumieć, što ŭ Rasii hłabalnyja intaresy. U ich taksama adpaviednyja pohlady na raźvićcio Biełarusi. I heta pravilna. Siońnia ŭžo ŭsie zrazumieli, što takoje Biełaruś dla Rasii i Rasija dla Biełarusi. U hetym płanie nam taksama pryjdziecca aktyvizavacca», — skazaŭ Łukašenka.
Jon dadaŭ, što Biełaruś pavinna zrabić maksimum pa jadnańni z Rasijaj, ale zachavać suvierenitet i niezaležnaść.
«Zachoŭvajučy suvierenitet, niezaležnaść, my pavinny zrabić maksimum pa kaapieracyi ŭ ekanomicy, pa našym adzinstvie, jadnańni. Usio zrabić dla taho, kab nichto nie moh kinuć kamień u nas, što my nie vyrašyli niejkija pytańni va ŭzajemaadnosinach z Rasijaj. … My dosyć razumnyja, jak ja kazaŭ, dla taho, kab z rasijanami vybudavać narmalnyja adnosiny», — zajaviŭ jon.
