Šviejcaryja suprać kanfiskacyi aktyvaŭ rasijskich aliharchaŭ
Šviejcarski prezident Ińjacya Kasis nie padtrymaŭ prapanovu ŭkrainskaha premjera Dzianisa Šmyhala puścić zamarožanyja na Zachadzie aktyvy rasijskich aliharchaŭ na adnaŭleńnie Ukrainy, paviedamlaje Bi-bi-si.
Ińjacya Kasis. Fota: Alastair Grant / AP
Vystupajučy ŭ šviejcarskim Łuhana na kanfierencyi pa adnaŭleńni Ukrainy, Šmyhal acaniŭ košt rasijskich aktyvaŭ, zamarožanych ZŠA, ES i Vialikabrytanijaj, u 300-500 młrd dalaraŭ.
«My prapanujem znajści formułu dla nacyjanalnaha i mižnarodnaha zakanadaŭstva, jakaja dazvalała b kanfiskacyju zamarožanych aktyvaŭ», — skazaŭ Šmyhal.
Šviejcarskija ŭłady ŭ minułym hodzie naličyli ŭ svajoj krainie zamarožanych rasijskich aktyvaŭ na 6,5 młrd dalaraŭ, adnak Ińjacya Kasis vystupiŭ suprać ich aŭtamatyčnaj kanfiskacyi. Jon zajaviŭ pra nieabchodnaść abaraniać intaresy i pravy asoby ad dziaržavy, a dla kanfiskacyi aktyvaŭ, pavodle jahonaha pierakanańnia, patrebnyja adpaviednyja jurydyčnyja padstavy.
Pry hetym u zamarožvańni aktyvaŭ rasijskich aliharchaŭ šviejcarski prezident nie bačyć jurydyčnaj prablemy. «Pa praviłach, jakija dziejničajuć u absalutnaj bolšaści demakratyčnych krain, my možam zamarožvać aktyvy, kab daviedacca, adkul jany», — skazaŭ jon žurnalistam.
