Byłaja kiraŭnica MZS Aŭstryi, na viasielli jakoj hulaŭ Pucin, pakinuła krainu
Byłaja ministarka zamiežnych spraŭ Aŭstryi Karyn Knajsl, viadomaja svajoj prarasijskaj pazicyjaj i tancam z Pucinym na svaim viasielli, źjechała z krainy praz «pahrozu zabojstvam», piša The Washington Post.
Knajsl skazała žurnalistu vydańnia, što emihravała z Aŭstryi, tamu što atrymlivała «pahrozy zabojstvam» ale admoviłasia davać intervju.
U materyjale WP nie ŭdakładniajecca, chto mienavita pahražaŭ Knajsl i ci viadziecca rasśledavańnie pa hetaj spravie.
Karyn Knajsl uznačalvała aŭstryjski MZS z 2017 pa 2019 hod. Jana — siabroŭka krajnie pravaj Partyi svabody, jakaja vystupaje za dobryja adnosiny z Rasijaj i Pucinym. U 2017 hodzie členy hetaj partyi naviedvali akupavany Rasijaj ukrainski Krym.
Paśla adstaŭki Knajsl, jak i niekatoryja inšyja prarasijskija palityki z zachodnich krain, atrymała chlebnuju pasadu pry rasijskaj karparacyi. U 2021 hodzie jana ŭvajšła ŭ radu dyrektaraŭ «Rasnafty». Praŭda, pratrymałasia na joj niadoŭha, bo ŭ mai hetaha hoda musiła pajści ŭ adstaŭku paśla taho, jak Jeŭraparłamient staŭ pahražać joj sankcyjami.
