Zialenski: Da vosieni va Ukrainie moža zachrasnuć da 60 miljonaŭ ton zbožža
Da 60 młn ton zbožža moža zachrasnuć va Ukrainie da vosieni, kali kraina praciahnie sutykacca z błakavańniem ekspartu, ličyć prezident Ukrainy Uładzimir Zialenski.
Fota: UNIAN
Ciapier va ŭkrainskich partach zabłakavana 22 młn ton zbožža, jakoje pavinna było pajści na ekspart, ale z-za vajny nie moža pakinuć krainu. Heta ŭžo vyklikała deficyt charčavańnia ŭ krainach Afryki i rost cen na ježu ŭ Jeŭropie i ZŠA, paviedamlaje «Bi-bi-si».
«My čakajem jašče kala 60 młn ton vosieńniu. Tady my apyniomsia ŭ sapraŭdy składanaj, vielmi składanaj situacyi», — papiaredžvaje Zialenski.
Ukrainski prezident skazaŭ, što pracuje z AAN nad adkryćciom biaśpiečnaha kalidora, jaki dazvoliŭ by Ukrainie ekspartavać zbožža sa svaich čarnamorskich partoŭ.
«My zacikaŭlenyja, kab našy ahraryi praciahvali pracavać na nastupny hod, na nastupny ŭradžaj. Dla hetaha nam treba ekspartavać usio hetaje ziernie — jačmień, pšanicu, kukuruzu. Ukrainskaja dziaržava nie hublaje času darma. My šukajem roznyja šlachi dla ekspartu našaha zbožža, u tym liku praz čyhunku i reki, i my kožny dzień pavialičvajem hety ekspart», — zajaviŭ Zialenski.
