Śpioka ŭ Biełarusi stavić rekordy
Samym śpiakotnym 1 lipienia vydałasia na paŭdniovym zachadzie Biełarusi. Maksimalnyja va ŭsioj krainie tempieratury pavietra 1 lipienia zafiksavali ŭ Breście i Vysokim, dzie pavietra prahrełasia da +33.3°S, paviedamlaje telehram-kanał Nadvorie.
Akramia Bresta i Vysokaha, vielmi horača było ŭ Pružanach (+32°S), Drahičynie (+31,8°S) i Pinsku (+31,2°S).
Vyšej za 30 hradusaŭ tempieratura fiksavałasia taksama ŭ Hrodzienskaj vobłaści i na poŭdni Minščyny. U Minsku pavietra prahrełasia da + 28,9°S.
U papiaredni ž dzień, 30 červienia, na Brestčynie ŭ niekatorych miescach byli pastaŭlenyja tempieraturnyja rekordy, prytym što i raniejšyja byli adnosna niadaŭnija. Tak, u Pružanach da hetaha samym haračym 30 červienia było ŭ 2019 hodzie, kali było zafiksavana 31,8°S. Sioleta ž pavietra prahrełasia da 32,9°S. U Vysokim słupok termomietra try hady tamu pakazaŭ 32,4°S, hetym razam — 33,5°S vyšej za nul. A ŭ Breście sioleta 30 červienia było plus 33,9°S, u toj čas jak u raniej rekordnym 2019-m — 32,9°S.
Pa prahnozach sinoptykaŭ, śpiakotnaje nadvorje ŭ Biełarusi zachavajecca da kanca tydnia.