Palitźniavolenuju piensijanierku Hnaŭk źmiaścili ŭ karcar
65-hadovuju aktyvistku Alenu Hnaŭk administracyja baranavickaha SIZA pakarała «sutkami» ŭ karcary. Tam jaje buduć utrymlivać da 1 lipienia.
Nahadajem, 17 červienia palitźniavolenuju asudzili na try z pałovaj hady kałonii va ŭmovach ahulnaha režymu i aštrafavali na 3200 rubloŭ. Alenu pryznali vinavataj pa dvuch artykułach Kryminalnaha kodeksa, paviedamlaje «Viasna»
Z 2020 hoda Alenu metanakiravana pieraśledavali: zatrymlivali i aryštoŭvali pa administracyjnych artykułach 17 razoŭ, štrafavali ahułam na 173 bazavyja vieličyni, doma pravodzili pieratrusy, asudzili pa «spravie karahodaŭ» i za abrazu Łukašenki pa kryminalnych artykułach. Pad vartaj Alena ŭtrymlivajecca ŭžo piać miesiacaŭ.
Da razhladu apielacyjnaj skarhi Alenu možna padtrymać hrašovym pieravodam, pasyłkaj abo banderolkaj, a taksama listami i telehramami.
Adras dla padtrymki: SIZA-6. 225413, h. Baranavičy, vuł. Bresckaja, 258 V, Alena Piatroŭna Hnaŭk
