Rasijanie abstralali ŭ Lisičansku natoŭp ludziej, jakija pryjšli pa vadu: 8 zahinułych, 21 paranieny
Rasijskija vojski siońnia abstralali z «Urahanaŭ» natoŭp ludziej, jakija pryjšli nabrać z cysterny techničnaj vady ŭ Lisičansku. U vyniku prynamsi 8 čałaviek zahinuli, a 21 paranieny, paviedamiŭ staršynia Łuhanskaj abłasnoj vajennaj administracyi Siarhiej Hajdaj.
Žychary Lisičanska nabirajuć vadu 21 červienia 2022 hoda. Fota: Getty Images
Siarod zahinułych — 14-i 15-hadovyja chłopcy. 16 paranienych evakuiravali ŭ miedycynskija ŭstanovy inšych abłaściej, a piaciora paciarpiełych, atrymaŭšy miedycynskuju dapamohu, zastalisia ŭ Lisičansku.
Lisičansk — apošni bujny horad Łuhanskaj vobłaści, jašče nie ŭziaty rasijskimi vojskami. Jon znachodzicca kala horada Sievieradaniecka, na druhim bierazie raki Sievierski Daniec. Za Sievieradanieck miesiac tačylisia kryvavyja bai, dniami jon byŭ pakinuty ŭkraincami
