YouTubie na patrabavańnie SBU zabłakavaŭ bujnyja kanały rasijskich prapahandystaŭ
YouTube zabłakavaŭ 442 prarasijskija kanały z ahulnaj kolkaściu padpisčykaŭ bolš za 15 młn. Videachostynh zrabiŭ heta paśla zapytu Słužby biaśpieki Ukrainy, paviedamlaje SBU.
Siarod zabłakavanych YouTube-kanałaŭ — «Rośsija», «Sołovjov LIVE», «Marharita Simońjan», «Źviezda», «Piervyj».
«Biazhłuzdyja fejki pra «bijałabaratoryi» i radyjokiravanych husiej, nianaviść da ŭkraincaŭ i vytančanaja chłuśnia dla svaich hramadzian. Mienavita takuju formułu vykarystoŭvaje rasijskaja prapahanda, sparadžajučy biaskoncuju płyniu padmanaŭ. Ale va Ukrainie heta nieefiektyŭna, bo Słužba biaśpieki Ukrainy paśpiachova supraćstaić rašystam nie tolki ŭ bajach, ale i na infarmacyjnym froncie», — adznačajuć u SBU.
Akramia taho, SBU pieradała dla błakavańnia śpis z 1529 telehram-kanałaŭ i botaŭ, 426 akaŭntaŭ u Instagram, 93 akaŭnty ŭ Facebook i 1050 akaŭntaŭ u TikTok.
