U Zimbabve razhareŭsia karupcyjny skandał vakoł zakupki biełaruskich pažarnych mašyn
Zakupka pažarnaj techniki ź Biełarusi vyklikała skandał u Zimbabve. Ździełku nazyvajuć sumnieŭnaj, a jaje košt zavyšanym. Z hetaj nahody pradstaŭniku Ministerstva pa spravach miascovaha samakiravańnia pryjšłosia apraŭdvacca ŭ parłamiencie, paviedamlaje reform.by sa spasyłkaj na New Zimbabwe.
Ministerstva pa spravach miascovaha samakiravańnia abaviazała miascovyja hramady zapłacić za pažarnyja mašyny, nazvaŭšy košt kožnaj z mašyn u 464 tysiač dalaraŭ. Krytyki ličać, što košt techniki značna zavyšany, i abvinavačvajuć ministra miascovaha samakiravańnia Džuli Majo ŭ sprobie abyści sistemu publičnych tarhoŭ.
Usiaho Ministerstva choča nabyć 70 pažarnych mašyn na sumu 32 miljony dalaraŭ. Jak paviedamlaje vydańnie Zimlive, mašyny płanujecca zakupić u biełaruskaj kampanii, jakoj vałodaje Alaksandr Zinhman, hanarovy konsuł Zimbabve ŭ Biełarusi.
Alaksandr Zinhman viadzie aktyŭnuju biznes-dziejnaść u Afrycy, zajmajecca pastaŭkami sielskahaspadarčaj i pramysłovaj techniki. Razam z synam Viktara Šejmana Siarhiejem jaho nazyvajuć bienieficyjaram biznesu pa zdabyčy zołata ŭ Zimbabve. Letaś Zinhman pieradaŭ Zimbabve supraćpažarnuju techniku ź Biełarusi.
