Kryminalnuju spravu baranavickaha žurnalista, jaki sfatahrafavaŭ rasijskuju techniku, pieradali ŭ sud
Baranavickaha žurnalista Intex-press Juryja Hancareviča abvinavačvali ŭ «sadziejničańni ekstremisckaj dziejnaści». Jaho spravu pieradali ŭ Brescki abłasny sud, paviedamlaje BAŽ.
Fota: BAŽ
Juryja Hancareviča zatrymali ŭ mai hetaha hoda z-za taho, što jon sfatahrafavaŭ rasijskuju vajskovuju techniku i dasłaŭ zdymki ŭ niezaležnaje miedyja. Pakolki raniej ułady pryznali viadučyja biełaruskija niezaležnyja miedyja «ekstremisckimi farmavańniami», to žurnalista abvinavacili mienavita ŭ sadziejničańni takomu farmavańniu.
Pravaabaroncami Juryj byŭ pryznany palitźniavolenym.
Da hetaha času spadar Hancarevič znachodziŭsia ŭ SIZA № 6 u Baranavičach. Ciapier jaho kryminalnuju spravu pieradali ŭ Brescki abłasny sud. Data suda pakul nieviadomaja, jak i horad, u jakim budzie prachodzić praces.
Juryju Hancareviču 23 hady, rodam jon ź Mikaševičaŭ. Raniej supracoŭničaŭ ź internet-vydańniami ŭ Łunincy i Breście. Apošnim časam Juryj pracavaŭ dla baranavickaha niezaležnaha vydańnia Intex-press, dzie ŭ asnoŭnym vykonvaŭ abaviazki fatohrafa.
