«Viciaź» zrabiŭ zaradnaje prystasavańnie dla elektramabilaŭ pad kitajski standart
AAT «Viciaź» raspracavała i asvoiła vypusk madeli elektrazaradnaj stancyi pad kitajski standart zaradki elektramabilaŭ GB/T, paviedamiŭ hałoŭny inžynier pradpryjemstva Uładzisłaŭ Paŭlenka. Upieršyniu navinka była pradstaŭlenaja na niadaŭna praviedzienym mižnarodnym forumie TIBO-2022.
Patreba raspracoŭki takoj zaradki ŭźnikła z-za taho, što «padziei pieršaj pałovy 2022 hoda, jakija imkliva raźvivajucca, unieśli karektyvy ŭ raźvićcio miascovaha rynku elektratranspartu».
U vyniku hetych padziej, pa słovach Uładzisłava Paŭlenki, biełarusy stali addavać pieravahu biudžetnym kitajskim elektramabilam, jakija majuć svaju śpiecyfiku i pierš za ŭsio ŭłasny zaradny standart GB/T pastajannaha toku. Pry hetym party kitajskaha standartu niesumiaščalnyja z partami jeŭrapiejskaha, majučy adroźnieńni ŭ kanstruktyŭnaj i elektronnaj častcy.
Tamu, «apieratyŭna reahujučy na patreby rynku, «Viciaź» pieršym na postsavieckaj prastory asvoiŭ vypusk zaradnaj stancyi pad kitajski standart pastajannaha toku».
Zaraz pradpryjemstva zapuściła ŭ vytvorčaść madel mahutnaściu 90 kVt i maje namier raspracavać jašče adnu madel na 50 kVt.
