U Kijevie źjaviacca vulicy Karatkieviča i Kalinoŭskaha
U Kijevie źjaviacca vulicy Uładzimira Karatkieviča i Kastusia Kalinoŭskaha. Takija novyja nazvy rekamiendavała ekśpiertnaja kamisija, ich padtrymali ŭdzielniki anłajn-hałasavańnia, paviedamlaje «Jeŭraradyjo».
Pry hetym varyjant z Kalinoŭskim pieramoh u prapanovach pa pierajmienavańni i vulicy Bresckaj, i Astrachanskaj (za Ukrainu vajuje biełaruski połk imia Kastusia Kalinoŭskaha). Varyjant z Karatkievičam pieramoh u prapanovach pa pierajmienavańni vulicy Dabralubava.
Tym časam płošču Hierojaŭ Bresta ŭ Kijevie źbirajucca pierajmienavać u Čarnabajeŭskuju. Jana była nazvanaja ŭ 1977-m u honar abaroncaŭ Bresckaj krepaści leta 1941-ha. Novaja nazva budzie ŭ honar miesca šmatrazovych pieramoh ukrainskaj zbroi — lehiendarnaj Čarnabajeŭki ŭ Chiersonskaj vobłaści.
Minski praśpiekt moža stać Litoŭskim.
Anłajn-hałasavańnie pa pierajmienavańni amal troch socień abjektaŭ praciahvałasia z 15 pa 19 červienia. Dalej vyniki razhledzić Kijeŭskaja haradskaja rada.
Raniej stała viadoma, što «Minskuju» stancyju kijeŭskaha mietro źbirajucca nazvać «Varšaŭskaj», a «Bresckuju» — «Bučanskaj».
Pryčyna pierajmienavańniaŭ — ahresija Rasii suprać Ukrainy, u jakoj Biełaruś vystupaje jak sajuźnik rasijan.