Vyznačyli cenavy minimum dla prodažu biełaruskaha miasa za miažu
Upieršyniu Biełaruskaja ŭniviersalnaja tavarnaja birža zafiksavała dla miasa jałavičyny, jakoje idzie na ekspart, cenavy kalidor ź fiksavanaj nižniaj miažoj, paviedamlaje BiełTA. Heta zroblena z-za vialikaha popytu na hetuju pradukcyju.
Z pačatku 2022 hoda, u paraŭnańni z anałahičnym pieryjadam 2021 hoda, pastaŭki miasa praz tavarnuju biržu pavialičylisia ŭ 8 razoŭ. Bolš za ŭsio biełaruskaj jałavičyny pastaŭlena ŭ Rasiju, Kazachstan i Polšču.
Ciapier nie projduć zajaŭki na prodaž sa startavaj canoj nižej ŭzroŭniu, ustanoŭlenaha cenavym kalidoram. Ale adzinaj cany nie budzie ŭsio roŭna, tamu što jana zaležyć i ad vidu pradukcyi, i ad krainy pryznačeńnia.
Naprykład, pry prodažy zamarožanaj jałavičyny ŭ Rasiju jaje cana nie moža być nižejšaj za 3,7 dalara (9,4 rubla) za kiłahram. Cialacina ž abyjdziecca krychu daražej — 4 dalary za kiłahram (10,2 rubla).
Adznačajecca, što ŭ dalejšym, pry peŭnych umovach, hetyja cenavyja parohi mohuć źmianicca.
