«Biełarusbank» spyniŭ pravodzić pieravody fizičnych asob u dalarach i niekatorych inšych valutach
«Biełarusbank» prypyniŭ dla klijentaŭ — fizičnych asob mahčymaść adpraŭlać i atrymlivać pieravody ŭ dalarach. Abmiežavańnie tyčycca taksama niekatorych inšych valut, a taksama hrašovych adpraŭleńniaŭ va Ukrainu, paviedamlaje «Zierkało».
«Biełarusbank» časova nie ažyćciaŭlaje mižnarodnyja pieravody fizičnych asob u dalarach ZŠA», — paviedamili ŭ kantakt-centry banka. Pry hetym u finustanovie nie zmahli ŭdakładnić mahčymyja terminy adnaŭleńnia pracy ź pieravodami ŭ dalarach.
Taksama bank nie pravodzić mižnarodnyja pieravody ŭ kanadskich dalarach, dackich i narviežskich kronach, hryŭniach, funtach sterlinhaŭ, šviejcarskich frankach. «Akramia taho, nie ažyćciaŭlajucca mižnarodnyja bankaŭskija pieravody va Ukrainu», — havorycca na sajcie banka.
Ź jakoj daty admianili pieravody ŭ hetych valutach, u kantakt-centry banka nie zmahli paviedamić, ale ŭdakładnili, što «pradstaŭlenaja vyšej infarmacyja raźmieščanaja bankam siońnia».