Ukraincy źniščyli rasijski buksir u Čornym mory
Ukrainskija vajskoŭcy nanieśli ŭdar pa buksiry Čarnamorskaha fłotu RF «Vasil Biech», na borcie jakoha znachodziŭsia zienitna-rakietny kompleks «TOR».
facebook com mod mil rus
Pra heta paviedamili Vajenna-marskija siły USU ŭ Telehramie.
U viedamstvie paviedamili, što ŭdar byŭ naniesieny padčas transparciroŭki buksiram na vostraŭ Źmiainy bojeprypasaŭ, uzbrajeńnia i asabistaha składu Čarnamorskaha fłotu.
«Navat najaŭnaść na borcie zienitna-rakietnaha kompleksu «TOR» nie pieraškodziła vajenna-marskim siłam US Ukrainy demilitaryzavać rasijskich zachopnikaŭ», — havorycca ŭ paviedamleńni.
Kiraŭnik Adeskaj abłasnoj vajskovaj administracyi Maksim Marčanka paćvierdziŭ paviedamleńni ab paśpiachovaj rakietnaj atacy ŭkrainskich sił na rasijski karabiel «Vasil Biech».
«Pieradavajcie vinšavańni kamandzie krejsiera «Maskva»!»,— napisaŭ Marčanka ŭ svaim telehram-kanale.
Rasiejskija ŚMI pisali, što buksir «Vasil Biech», vodaźmiaščeńniem 1 605 ton, uvajšoŭ u skład Čarnamorskaha fłotu RF u 2021 hodzie.
Paźniej źjaviłasia videa mierkavanaha źniščeńnia.
