U Kijevie mohuć źjavicca vulicy Karatkieviča, Kalinoŭskaha i Skaryny
Ideja pierajmienavańnia vulicy Dabralubava ŭ Kijevie ŭ honar vybitnaha biełaruskaha piśmieńnika, jakuju ŭchvalili ekśpierty Kijeŭskaj haradskoj rady, naležyć ukrainskamu litarataru Viačasłavu Lavickamu, piša Biełaruskaja rada kultury.
Voś tak jon arhumientuje prapanovu kandydatury biełaruskaha piśmieńnika:
«Karatkievič — vypusknik Kijeŭskaha univiersiteta, lubiŭ stalicu Ukrainy i pisaŭ pra jaje bolš vyrazna, čujna i bolš etyčna, čym bolšaść inšych urbanistaŭ».
Taksama «biełaruski śled» jość i ŭ inšych rekamiendacyjach ekśpiertnaj kamisii.
Naprykład, vulicy Bresckaja i Astrachanskaja mohuć być pieranazvanyja ŭ honar biełaruskaha pieršadrukara Francyska Skaryny ci nacyjanalnaha hieroja Kastusia Kalinoŭskaha.
Narodnaje hałasavańnie ŭžo idzie. Addać hołas možna praz prahramu «Kijiv Cifrovij» (App Store, Google Play). Uziać udzieł mohuć tyja, u kaho jość ukrainski numar i elektronny podpis.
