Łukašenka raskazaŭ, z-za čaho nie moža spać
Łukašenka ličyć nieabchodnym dakładna vyznačycca z padychodami da arhanizacyi ŭstupnych vyprabavańniaŭ u VNU, bo centralizavanaje testavańnie maje jak pieravahi, tak i niedachopy. Pra heta jon zajaviŭ, zasłuchoŭvajučy dakład ab intehracyi bijałohii i miedycyny, piša BiełTA
U naradzie brali ŭdzieł ministr achovy zdaroŭja Dźmitryj Pinievič, ministr adukacyi Andrej Ivaniec, a taksama rektar BDU Andrej Karol i dekan bijałahičnaha fakulteta BDU Vadzim Dziamidčyk.
«Mianie hetaja prablema pastajanna chvaluje. Ščyra kažučy, ja spać nie mahu z-za hetaha CT, nakolki jano adpaviadaje tamu ŭzroŭniu, što nam patrebny pry adbory najlepšych u VNU. Ščyra skažu, vielmi pakul ja krytyčna staŭlusia da hetaj arhanizacyi ŭstupnych vyprabavańniaŭ našych maładych ludziej. Ale i ŭ CT, my bačym heta, jość vielmi šmat stanoŭčaha. Voś što rabić na siońniašni dzień? Heta apošni hod, kali my pavinny dać adkaz na hetaje pytańnie», — skazaŭ Łukašenka.
Łukašenka adznačyŭ, što ŭ CT i «vielmi šmat stanoŭčaha», ale sam jon nie ŭpeŭnieny, što praces CT i pastupleńni ŭ VNU pavinien i dalej zastavacca takim, jak jość ciapier.
U naradzie brali ŭdzieł rektar BDU Andrej Karol i dekan bijafaka Vadzim Dziamidčyk. Abodva kiraŭniki z BDU zadziejničany ŭ pracy ź niejkaj hrupaj adoranych maładych ludziej, chutčej za ŭsio budučych studentaŭ, jakija buduć pahłyblena vyvučać bijałohiju i miedycynu.
«My pasprabavali (vy taksama zajmalisia hetym śpiecyfičnym mietadam, nie budziem pakul paznačać heta) adabrać chłopcaŭ samych lepšych dla taho, kab jany mahli zajmacca adpaviednymi navukami. Pierš za ŭsio bijałahičnyja, źviazanyja z achovaj zdaroŭja, navukaj, inšymi raspracoŭkami. My pasprabavali inšyja mietady. Naturalna, heta nievialikaja kolkaść ludziej. I ja pierakanany, što tam adabrany lepšyja. Bo ŭsie-taki da adboru brali tych, chto na alimpijadach ŭžo pieramahaŭ. Heta chłopcy ŭžo prasunutyja. Ich hałoŭnaje nie stracić dla krainy. Ale voś užo sutyknulisia ź pieršym vopytam», — skazaŭ Łukašenka.
Viadoma, što jaho małodšy syn Mikałaj skončyŭ u hetym hodzie škołu i, napeŭna, zdaje CT. 14 červienia prachodziła testavańnie pa biełaruskaj movie, siońnia i zaŭtra — pa ruskaj, matematyka budzie 21 i 22 červienia, bijałohija — 24 červienia.
Adnak u nastupnym hodzie ŭ škołach budzie ŭviedzieny ahulny centralizavany ekzamien (CE) pa matematycy i adnoj z movaŭ. CT zastaniecca, ale pry zdačy CE, prachadzić testavańnie pa hetych pradmietach bolš nie spatrebicca.