Ałbanija, Čarnahoryja i Paŭnočnaja Makiedonija aficyjna padtrymali zajaŭku Ukrainy ŭ Jeŭrasajuz
Lidary Ukrainy, Ałbanii, Čarnahoryi i Paŭnočnaj Makiedonii pryniali sumiesnuju zajavu ab padtrymcy nadańnia Ukrainie statusa kandydata na ŭstupleńnie ŭ Jeŭrasajuz. Pra heta raskazaŭ prezident Uładzimir Zialenski paśla sustrečy z premjerami troch krain, paviedamlaje «Jeŭrapiejskaja praŭda». Hetyja dziaržavy — nie členy ES, ale toje, što jany pieršyja ŭ čarzie na ŭstupleńnie, časta pryvodziać jak arhumient, čamu treba nie śpiašacca z pryjomam Ukrainy.
Premjer Ałbanii Edzi Rama i premjer Čarnahoryi Drytan Abazavič padčas vizitu va Ukrainu naviedali Buču
Premjery Ałbanii i Čarnahoryi prybyli ŭ Kijeŭ ź vizitam, a kiraŭnik urada Paŭnočnaj Makiedonii ŭdzielničaŭ u sustrečy virtualna, tamu što nie zmoh prybyć z-za nakładki z hrafikam.
«Ja ŭdziačny spadaru Ramie, udziačny spadaru Abazaviču, spadaru Kovačeŭskamu za pryniaćcie siońnia pa vynikach našych pieramovaŭ sumiesnaj zajavy ab padtrymcy nadańnia Ukrainie statusa kandydata na siabroŭstva ŭ Jeŭrapiejskim sajuzie», — skazaŭ Uładzimir Zialenski.
«Našy dziaržavy pavinny stać paŭnapraŭnymi členami Jeŭrapiejskaha sajuza i my zhadžajemsia z tym, što našy dziaržavy nie źjaŭlajucca kankurentami na hetym jeŭrapiejskim šlachu, a tolki dapaŭniajuć, uzmacniajuć mahčymaści adzin adnaho», — dadaŭ Uładzimir Zialenski.