Pucin i Si Czińpin abmierkavali Ukrainu. Što viadoma
Kitajski lidar Si Czińpin pravioŭ telefonnuju razmovu z Uładzimiram Pucinym. Padčas jakoj baki abmiarkoŭvali Ukrainu, paviedamlaje National Post.
Fota Getty Images
Jak infarmuje vydańnie, Si Czińpin skazaŭ prezidentu Rasii, što ŭsie baki pavinny pracavać nad urehulavańniem situacyi va Ukrainie ŭ «adkaznaj stupieni», a taksama zajaviŭ, što Kitaj hatovy dapamahčy vyrašyć prablemu.
«Kožny z zacikaŭlenych bakoŭ pavinien zajmać adkaznuju pazicyju, spryjajučy pravilnamu ŭrehulavańniu kryzisu va Ukrainie. Kitaj hatovy praciahnuć vykonvać svaju kanstruktyŭnuju rolu», — cytuje vydańnie kiraŭnika Kitaja.
Niadaŭna ŚMI paviedamlali, što Maskva prynamsi dvojčy cisnuła na Piekin, kab toj prapanavaŭ novyja formy ekanamičnaj padtrymki. Tym nie mienš, KNR admaŭlałasia iści suprać sankcyj Zachadu.
Niadaŭna Kitaj zajaviŭ, što nie dapamahaŭ Rasii zbrojaj u vajnie suprać Ukrainy. A kitajska-rasijskija adnosiny źjaŭlajucca «partniorstvam, a nie sajuzam».
Voś što ahienctva Sińchua paviedamiła pra razmovu: «Kitaj zaŭsiody, zychodziačy z histaryčnych karanioŭ ukrainskaha pytańnia, samastojna vynosić mierkavańni, aktyŭna sadziejničaje miru va ŭsim śviecie i stabilnaści hłabalnaj ekanomiki. Pavodle jaho słoŭ, usie baki pavinny adkaznym čynam sadziejničać naležnamu ŭrehulavańniu ŭkrainskaha kryzisu».
