Hramadzianam Rasii i Biełarusi zabaroniać udzielničać u kamiercyjnych kampanijach, važnych dla biaśpieki Łatvii
Kamisija łatvijskaha Siejma pa abaronie, unutranych spravach i praduchileńni karupcyi ŭchvaliła ŭ kančatkovym čytańni papraŭki da zakona ab nacyjanalnaj biaśpiecy, jakija praduhledžvajuć zabaronu na istotny ŭdzieł kapitałaŭ, jakija naležać hramadzianam Rasii i Biełarusi, u važnych dla biaśpieki Łatvii kampanijach, piša delfi.lv.
Siejm Łatvii. Fota: DELFI.LV
Papraŭki praduhledžvajuć, što hramadzianie Rasii i Biełarusi abo jurydyčnyja asoby, zasnavanyja ŭ hetych krainach, nie mohuć nabyć značnuju dolu abo vyrašalnaje prava hołasu ŭ važnym z punktu hledžańnia nacyjanalnaj biaśpieki pradpryjemstvie.
Kali hramadzianie Rasii ci Biełarusi ŭžo majuć značny ŭdzieł ci vyrašalny ŭpłyŭ u kampanijach, a taksama źjaŭlajucca ich bienieficyjarami, to z taho dnia, jak kampanija atrymaje status «značnaj dla nacyjanalnaj biaśpieki», jany bolš nie zmohuć karystacca pravam hołasu ŭ im.
Rašeńnie pryniata ŭ suviazi z uvarvańniem Rasii va Ukrainu, a Biełaruś, na dumku łatvijskich palitykaŭ, źjaŭlajecca sajuźnicaj Rasii i ŭ roŭnaj stupieni adkaznaja za ahresiju. Deputaty zychodzili z taho, što Rasija ŭžo daŭno vykarystoŭvaje najaŭnyja ŭ jaje rasparadžeńni resursy i infrastrukturu, kab upłyvać na pryniaćcie rašeńniaŭ u krainach, jakija vykarystoŭvajuć jaje pryrodnyja resursy. Palityčny ŭpłyŭ u tym liku akazvajecca praz hramadzian Rasii i Biełarusi abo kampanii, u tym liku šlacham inviestavańnia ŭ krytyčnuju infrastrukturu ci pasłuhi.
