Try praviły ŭmyvańnia, jakim varta navučycca ad francužanak
Francuzskija žančyny — viadomy aŭtarytet u pytańniach pryhažości. Pahladzicie na toje, jak jany dahladajuć svaju skuru, i vy znojdziecie ŭ hetym šmat cikavaha. Prapanujem vam try chitraści ź ich praktyki ŭmyvańnia, jakija varta ŭziać na ŭzbrajeńnie.
Fota: flickr.com
Pamyłki padčas umyvańnia — nastolki raspaŭsiudžanaja źjava, što kiraŭniki kaśmietyčnaj marki Cerave navat vyrašyli zrabić daśledavańnie na hetuju temu. U im pryniali ŭdzieł 5 tysiač respandentaŭ z 11 krain. Vynik nastupny: tolki 44% respandentaŭ pravilna ačyščajuć skuru, piša onet.pl.
Samyja raspaŭsiudžanyja pamyłki — niapravilny paradak ačyščeńnia tvaru ci niapravilny padbor kaśmietyki, a taksama zvyčka ŭmyvacca zanadta časta ci zanadta redka. Tamu varta pavučycca ŭ francužanak, jak rabić heta pravilna.
Pierš čym myć tvar, vymyjcie ruki
Tak robiać 73% francužanak, i heta pravilna, bo takim čynam možna praduchilić pieradaču bakteryj, što vyklikajuć skuranyja infiekcyi i akne. Ekśpierty rajać spačatku namylić ruki i dobra pramyć ich vadoj — hety praces zojmie ŭ vas niedzie 20 siekund. Tolki paśla hetaha možna pierachodzić da ŭmyvańnia tvaru.
Mocnyja skraby — nie najlepšy vybar dla ŭmyvańnia
Francužanki starajucca nie karystacca skrabami z mocnym abraziŭnym efiektam. Bo kali skuru mocna adłuščvać, heta robić jaje bolš schilnaj da razdražnieńnia, pačyrvanieńnia i zanadta vialikaj vypracoŭki skuranoha tłušču. U dadatak, pry ŭžyvańni mocnych pilinhaŭ złuščvajecca zanadta vialikaja častka rahavoha słoja skury.
Pravilna padbirajcie kaśmietyku
Pry ačyščeńni skury vykarystoŭvajcie naležnuju kaśmietyku — tuju, što maje zbałansavany pakazčyk pH (kisłotna-ščołačny bałans). Francužanki robiać vybar na karyść micelarnaj vady, i nie prosta tak hety srodak šyroka vykarystoŭvajecca ŭ paryžskich sałonach pryhažości.
Luboŭ da micelarki źviazanaja z tym, što hety srodak ačyščaje skuru miakka, ale efiektyŭna. Micelarnaja vada pryciahvaje brud, bakteryi i reštki makijažu, ale pry hetym nie abiazvodžvaje skuru.