Paŭła Sieviarynca ŭ škłoŭskaj kałonii pazbavili praciahłaha spatkańnia
Minułaje praciahłaje spatkańnie było ŭ palitviaźnia ŭ śniežni 2021 hoda, paviedamlaje «Viasna».
U krasaviku administracyja papraŭčaj kałonii № 17 pryznała lidara Biełaruskaj chryścijanskaj demakratyi «złosnym parušalnikam režymu». Tady jamu skaracili dazvolenuju kolkaść zvankoŭ dadomu i hrašovych pieravodaŭ.
Niadaŭna Sieviaryniec paviedamiŭ rodnym, što jaho pazbavili i praciahłaha spatkańnia.
Nahadajem, u traŭni 2021 Sieviaryncu i jašče šaści palitviaźniam prysudzili ad čatyroch da siami hadoŭ kałonii. Viadoma tolki, što ich abvinavačvali pa niekalkich častkach «pratesnaha» artykuła 293 Kryminalnaha kodeksa, bo sud prachodziŭ u zakrytym režymie. Za kratami Paŭła ŭtrymlivajuć bolš za dva hady, jon byŭ zatrymany 31 maja 2020 hoda.
Padtrymać Sieviarynca možna pa adrasie: PK №17, 213004, h. Škłoŭ, vuł. 1-ja Zavodskaja, 8, Pavieł Kanstancinavič Sieviaryniec.
