Sprava Ziankoviča, Kastusiova i Fiaduty pieradadzienaja ŭ sud
Hienprakuratura nakiravała ŭ sud kryminalnuju spravu pa abvinavačvańni ŭ zmovie, učynienaj z metaj zachopu dziaržaŭnaj ułady
Hałoŭnym pa joj prachodzić Juraś Ziankovič.
Jon abvinavačvajecca pa č. 1 art. 357 Kryminalnaha kodeksa (zmova, ździejśnienaja z metaj zachopu dziaržaŭnaj ułady niekanstytucyjnym šlacham), č. 1 art. 361-1 (stvareńnie ekstremisckaha farmavańnia i kiraŭnictva takim farmavańniem), č. 3 art. 361 (publičnyja zakliki da zachopu dziaržaŭnaj ułady, ździajśnieńnie inšych dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś, raspaŭsiudžvańnie materyjałaŭ, jakija źmiaščajuć takija zakliki, učynienaje z vykarystańniem hłabalnaj kampjutarnaj sietki Internet), 130 (Raspalvańnie sacyjalnaj varožaści pa prykmiecie inšaj sacyjalnaj prynaležnaści, učynienyja hrupaj asob).
Alaksandr Fiaduta i Ryhor Kastusioŭ abvinavačvajucca pa č. 1 art. 357 Kryminalnaha kodeksa (zmova, ździejśnienaja z metaj zachopu dziaržaŭnaj ułady niekanstytucyjnym šlacham).
Taksama pa spravie prachodziać Volha Hałubovič i Dzianis Kraŭčuk. Jany abvinavačvajucca pa č. 1 art. 342 Kryminalnaha kodeksa (aktyŭnym udzieł u hrupavych dziejańniach, jakija hruba parušajuć hramadski paradak i spałučanyja ź vidavočnym niepadparadkavańniem zakonnym patrabavańniam pradstaŭnikoŭ ułady, jakija pryviali da parušeńnia pracy transpartu, pradpryjemstvaŭ, ustanoŭ abo arhanizacyj, pry adsutnaści prykmiet bolš ciažkaha złačynstva).
Usich ich zatrymali ŭ krasaviku 2021 hoda.
