Litva budzie dabivacca sankcyj u dačynieńni da patryjarcha Kiryła
Sankcyi ŭ dačynieńni da kiraŭnika Ruskaj pravasłaŭnaj carkvy Kiryła byli źniatyja na «finalnym etapie» pryniaćcia pakieta, ale Litva budzie damahacca ŭniasieńnia jaho imia ŭ «čorny śpis» padčas abmierkavańnia siomaha pakieta abmiežavańniaŭ dla Kramla, zajaviŭ ministr zamiežnych spraŭ Habryelus Łandśbierhis.
Fota: BiełTA
Pa słovach Łandśbierhisa, śviatar byŭ vyklučany z sankcyjnaha śpisu «rašeńniem kiraŭnictva pierad samym vychadam pravavoha dakumienta».
«Nu, viadoma, navat palityčnaje pahadnieńnie było znojdzienaje. Nie viedaju, pa jakich pryčynach (byŭ vyklučany), adkazać nie mahu. Ale heta dazvalaje kazać pra toje, što ŭ nas jość pravavaja asnova, praktyčna byŭ palityčny kansensus, tamu my možam pasprabavać pašukać znoŭku», — skazaŭ ministr.
Na minułym tydni aficyjna nabyŭ moc šosty pakiet sankcyj Jeŭrasajuza ŭ dačynieńni da Rasii z-za vajny va Ukrainie. Niahledziačy na peŭnyja vyklučeńni, jakija tyčacca Vienhryi, ES admoviŭsia ad ekspartu rasijskaj nafty tankierami.
Usio ž pazicyja Budapiešta taksama pryviała i da vyklučeńnia z sankcyjnaha śpisu pravasłaŭnaha śviatara. Pa słovach premjer-ministra Vienhryi Viktara Orbana, uviadzieńnie sankcyj suprać Kiryła supiarečyła b «svabodzie vieravyznańnia».
