Niećviarozy haradzieniec na chutkaści 178 km/h zabiŭ dvuch čałaviek. Jamu dali 10 hadoŭ kałonii
Žychar Hrodna asudžany na 10 hadoŭ pazbaŭleńnia voli ŭ kałonii ahulnaha režymu za pjanaje DTZ na chutkaści 178 km/h. Jon pazbaŭleny prava kiravać transpartnymi srodkami na 8 hadoŭ, paviedamlaje reform.by.
Fota: DAI
Taki prysud vynies sud Leninskaha rajona Hrodna. Jon jašče nie ŭstupiŭ u siłu i moža być abskardžany.
Pavodle materyjałaŭ spravy, mužčyna 5 sakavika hetaha hoda kala 8 ranicy ŭ niećviarozym stanie jechaŭ na BMW 745Li ŭ Hrodnie. Jaho pasprabavali spynić supracoŭniki DAI. Kiroŭca nie padparadkavaŭsia ich patrabavańniam i pasprabavaŭ źjechać. Sychodziačy ad pieraśledu, jon pasprabavaŭ praskočyć skryžavańnie na čyrvonaje śviatło i ŭrezaŭsia ŭ Dacia Sandero, jakaja na zialonaje śviatło vykonvała levy pavarot. U vyniku sutyknieńnia kiroŭca i pasažyr Dacia zahinuli. U momant sutyknieńnia chutkaść BMW składała 178 km/h.
Abvinavačany pryznaŭ vinu ŭ poŭnym abjomie.
Ź jaho taksama spahnana ŭ košt kampiensacyi maralnaj škody na karyść paciarpiełych 180 tysiač rubloŭ.
