«Biełhazprambank» pavialičyŭ limity na źniaćcie najaŭnaj valuty
«Biełhazprambank» z 8 červienia pavialičyŭ limity na źniaćcie najaŭnaj zamiežnaj valuty i ŭvioŭ abmiežavańni pa niekatorych inšych apieracyjach, paviedamiła pres-słužba banka.
Fota: belgazprombank.by
Sutačny limit ciapier składaje piać tysiač dalaraŭ, miesiačny — 20 tysiač dalaraŭ. Abmiežavańni nie raspaŭsiudžvajucca na karparatyŭnyja karty.
Akramia taho, abmiežavańni ŭ pamiery 20 tysiač dalaraŭ na adnu kartu ŭstanoŭlenyja i na źniaćcie valuty za miažoj z karty, emitavanaj u biełaruskich rublach, papaŭnieńnie karty, emitavanaj u zamiežnaj valucie, biełaruskimi rublami z dapamohaj servisaŭ r2r-pieravodaŭ, śpisańnia zamiežnaj valuty z karty, emitavanaj u biełaruskich rublach, z dapamohaj servisaŭ r2r-pieravodaŭ.
U banku taksama paviedamili ab źniaćci raniej uviedzienaj zabarony na apieracyi papaŭnieńnia kartaŭ banka biełaruskimi rublami pry dapamozie servisaŭ p2p-pieravodaŭ, jakija absłuhoŭvajucca bankami-nierezidentami.