Pinievič: Karanavirus, mahčyma, vierniecca vosieńniu
Ministr achovy zdaroŭja Dźmitryj Pinievič dapuskaje, što karanavirus moža viarnucca vosieńniu ci viasnoj. Pra heta jon zajaviŭ u intervju SB.by.
«My pavinny razumieć: infiekcyja nikudy nie dzieniecca. Na moj pohlad, kavid piarojdzie ŭ razrad siezonnych zachvorvańniaŭ, heta značyć, budzie aktualny vosieńniu i viasnoj. Ale heta nie padstava rassłablacca. Tak, z adnaho boku, štamy stanoviacca «lahčejšymi», a z druhoha — infiekcyja moža spałučacca z hrypam. Tamu praciahvajem aktyŭna havaryć pra vakcynacyju», — skazaŭ jon.
Ciapier, zachvorvańnie na kavid składaje nie bolš za 3% ad pikavych značeńniaŭ.
U balnicach zastajecca nievialikaja kolkaść pacyjentaŭ, u asnoŭnym pažyłyja i niepryščeplenyja ludzi.
Pinievič dadaŭ, što ciapier dakłady pa karanavirusie ŭžo nie źjaŭlajucca asnoŭnymi temami.
