ES ciškom prybraŭ z 6-ha pakieta sankcyj suprać Rasii zabaronu na dostup da jeŭrapiejskich chmarnych servisaŭ
Toje, što ŭ novaj redakcyi, raźmieščanaj u Internecie, jość peŭnyja adroźnieńni ad papiaredniaj, zaŭvažyŭ daradca Ofisa prezidenta Ukrainy Michaił Padalak.
Skryn z veb-archiva. Paznačanyja vydalenyja słovy
Padalak napisaŭ u Tvitary:
«Spačatku Rada ES abviaščaje pra błakavańnie dla Rasii chmarnych servisaŭ Jeŭrasajuza ŭ šostym pakiecie sankcyj. Zatym Rada redahuje paviedamleńni, vydaliŭšy adtul zhadki pra chmarnyja technałohii. Nijakich udakładnieńniaŭ abo tłumačeńniaŭ ad aficyjnych asob. My pavinny ŭzmacniać sankcyjny cisk. Nie pasłablać».
Źviestki veb-archiva paćviardžajuć, što pres-reliz sapraŭdy mianiaŭsia. 3 červienia, kali dakumient byŭ apublikavany, u im była zhadka pra zabaronu nadańnia Rasii chmarnych servisaŭ. Ciapier zhadki «a taksama chmarnyja servisy» tam niama.
