Zatrymali viadomaha tyktokiera pad nikam lexmask
Na jahony TikTok padpisana amal 58 tysiač čałaviek, jon vypuskaje videa na biełaruskaj movie.
Pra zatrymańnie tyktokiera paviedamiŭ HUBAZiK.
Viedamstva paviedamlaje, što zatrymała tyktokiera za toje, što jon «chajpavaŭ na vajennym kanflikcie», a zatym «vyśvietliłasia, što i sam u žniŭni 2020-ha» ŭdzielničaŭ u pratestach. Taksama jany napisali, što śpiecyjalisty daduć acenku «publičnym vykazvańniam tyktokiera, a taksama zhodzie vykonvać ukazańni bajpalicajaŭ».
Usiaho ŭ Biełarusi z 2020 hoda za palityčnyja pohlady zatrymali nie mienš za 46 tysiač čałaviek, zaviedziena nie mienš za 10 tysiač kryminalnych spraŭ.
Kali ŭ 2020 hodzie ludziej pieravažna zatrymlivali za ŭdzieł u vuličnych demanstracyjach, a ŭ pačatku 2021-ha — za vykarystańnie biełaruskaj abo pratestavaj simvoliki, to ŭ 2022-m robiacca ŭsio čaściejšymi zatrymańni ludziej za publikacyi ŭ Tyktoku, Fejsbuku, Instahramie, Tvitary. Aryštavanych trymajuć u nievynosnych umovach u izalatarach, źbivajuć, prynižajuć.
