Biełaruskuju radu kultury pryznali «ekstremisckim farmavańniem»
MUS pryznała «ekstremisckim farmavańniem» prajekt «Biełaruskaja Rada kultury», jahony sajt i akaŭnty ŭ sacyjalnych sietkach. Usio heta ŭniesiena ŭ śpis na aficyjnym sajcie viedamstva.
Prajekt byŭ zapuščany ŭ kastryčniku 2020 hoda pad nazvaj «Biełaruski fond kulturnaj salidarnaści», paźniej jaho pierajmienavali ŭ «Biełaruskuju Radu kultury».
«Praca BRK nakiravanaja na zachavańnie biełaruskaj kultury (padtrymka artystaŭ, vykanaŭcaŭ, artystaŭ i art-mieniedžaraŭ), raźvićcio novych tvorčych prajektaŭ, abjadnańnie kulturnaj supolnaści i papularyzacyju nacyjanalnaj kultury ŭ śviecie. Taksama svajoj rolaj Rada bačyć farmavańnie sacyjalnaha ŭpłyvu na raźvićcio kultury ŭ budučyni», — paviedamlajecca na aficyjnym sajcie arhanizacyi.
«Ekstremisckimi farmavańniami» ŭ Biełarusi pryznanyja ŭžo bolš za dva dziasiatki abjadnańniaŭ, fondaŭ, tielehram-kanałaŭ i miedyja. Siarod ich i «Naša Niva».
Prysvajeńnie hetaha statusa ŭ Biełarusi, jak i ŭsia represiŭnaja palityka, advolnaje. Kab jaho atrymać, nie treba rabić ničoha ekstremisckaha, dastatkova prosta nie ŭpisvacca ŭ ideałohiju režymu i być aktyŭnym u svajoj halinie.
