Biełarusy mohuć zakupić kubinskuju vakcynu ad karanavirusa
U Biełarusi mohuć źjavicca kubinskija vakcyny suprać COVID-19. Hetaje pytańnie na siońniašniaj sustrečy abmierkavali dyrektar Centra ekśpiertyz i vyprabavańniaŭ u achovie zdaroŭja Dźmitryj Hryńko i pasoł Kuby ŭ Biełarusi Sanćjaha Pieres Bienites, pieradaje pres-słužba Ministerstva achovy zdaroŭja.
Havorka idzie pra dźvie vakcyny, Soberano i Soberano Plus (buster). Jany dazvolenyja dla ŭžyvańnia na Kubie dla dziaciej z 3-ch hadoŭ i darosłych. U kliničnych vyprabavańniach dla prymianieńnia vakcyn dla dziaciej pryniali ŭdzieł 318 dziaciej i padletkaŭ.
Vakcyny ciapier dazvolenyja da ekstrannaha vykarystańnia, akramia Kuby, u Vieniesuele, Nikarahua i Iranie. Baki abmierkavali taksama mahčymaść łakalizacyi farmvytvorčaściaŭ.
Kubinskija vakcyny nie siertyfikavyja SAAZ. Ale toje ž samaje tyčycca i rasijskaj vakcyny Sputnik, jakaja šyroka vykarystoŭvajecca ŭ Biełarusi.
