«Budźma biełarusami» zapuścili telehram-bot, jaki dapamoža jadnacca biełarusam usiaho śvietu
«Budźma biełarusami» zapuścili telehram-bot «Budźma razam!», jaki dapamoža padpisčykam niezaležna ad miesca pražyvańnia daviedacca pra cikavyja biełaruskija mierapryjemstvy ŭ svaim horadzie, krainie i navat pa ŭsim śviecie!
Kancerty i vystavy, śpiektakli i fiestyvali, viečaryny i prezientacyi, lekcyi i sieminary, akcyi salidarnaści — usio, što ładziać biełarusy ŭ roznych krainach śvietu, budzie akumulavać bot.
«Bieźlič našych surodzičaŭ na ŭłasnym dośviedzie zrazumieli, jak ciažka na novym miescy ŭlicca ŭ miascovaje žyćcio, adšukać siabroŭ dy paplečnikaŭ, nie zhubić suviaziaŭ ź biełaruskim asiarodkam. Z našym botam bolš niama patreby pa krupinkach u roznych sacsietkach šukać infarmacyju pra biełaruskija padziei — treba prosta vybrać u bocie novy horad i padpisacca na abnaŭleńni. My maksimalna akumulujem infarmacyju, a vy budziecie atrymlivać puš-paviedamleńni i zmožacie naviedać biełaruskija mierapryjemstvy, na jakich paznajomiciesia z suajčyńnikami, ustalujecie kantakty, znojdziecie adnadumcaŭ», — zajaŭlajuć aŭtary bota.
Arhanizataram mierapryjemstvaŭ taksama prapanujuć dasyłać u bot svaje abviestki:
«Na siońnia ŭ bocie znojdziecie abviestki pra padziei ŭ Biełarusi, Polščy, Litvie, Łatvii, Hiermanii, Hruzii, Vialikabrytanii, Čechii, ZŠA. Z vašaj dapamohaj my spadziajemsia pašyryć bot, kab jon staŭ karysnym jak maha bolšaj kolkaści biełarusaŭ/ak i ŭklučaŭ jak maha bolej krain i haradoŭ».
Karystacca botam vielmi prosta:
- vybirajcie toj ci inšy horad abo ŭsiu krainu;
- padpisvajciesia asobna na ŭsie anłajn-mierapryjemstvy;
- ci vybirajcie varyjant all inclusive — usie biełaruskija padziei śvietu (u tym liku i anłajn-mierapryjemstvy).
A paśla — sačycie za biełaruskim dźvižam i dałučajciesia!
