Milicyjant, jaki atrymaŭ apioki ŭ Škłoŭskim RAUS, da prytomnaści nie prychodziŭ. Što jašče viadoma praz tydzień pra hetu spravu?
31 maja ŭ Škłoŭskim RAUS zdaryłasia nadzvyčajnaje zdareńnie. Padčas dopytu mužčyna zładziŭ padpał. Sam jon ad atrymanych traŭmaŭ adrazu ž zahinuŭ, a milicyjant, jaki ŭ toj momant znachodziŭsia ź im u kabiniecie, atrymaŭ 76% apiokaŭ cieła. Paciarpiełaha špitalizavali ŭ miascovuju balnicu. Pra toje, što ź im ciapier, daviedałasia Zerkalo.io.
Ślady pažaru na budynku Škłoŭskaha RAUS. Fota čytača Zerkalo.io
Supracoŭnik rajonnaj balnicy Škłova raskazaŭ žurnalistam, što paciarpieły opierupaŭnavažany adździaleńnia kryminalnaha vyšuku Dźmitryj Chadarenka da prytomnaści nie prychodziŭ.
«Jaho pieraviali ŭ Mahiloŭ, a adtul užo adpravili ŭ Minsk», — skazaŭ surazmoŭca.
Aficyjna ŭ adździaleńni aniestezijałohii i reanimacyi, dzie, pa infarmacyi krynic Zerkalo.io, pieršapačatkova lažaŭ paciarpieły, havaryć pra jaho admovilisia.
«U nas takija chvoryja na dadzieny momant nie znachodziacca. Chto kaho kudy pieravodzić, ja nie viedaju», — razzłavana adkazali ŭ trubku.
Što tyčycca pra zahinułaha mužčynu, to amal praz tydzień paśla zdareńnia infarmacyi pra jaho pa-raniejšamu niašmat. Ni imia, ni ŭzrostu, ni vierahodnych pryčyn, pa jakich jon moh heta ździejśnić, nie apubličvajecca. Viadoma tolki, što jon žychar Mahilova.
U Śledčym kamitecie zajavili, što jaho niekalki razoŭ sudzili, a ŭ dzień trahiedyi dastavili ŭ rajadździeł dla raźbiralnictva z-za paviedamleńniaŭ adnosna kradziažu bienzapił. Jak raskazali Zerkalo.io dźvie nie źviazanyja pamiž saboj krynicy, zahinuły razam ź jašče adnym mužčynam rabavali dačy ŭ Škłoŭskim rajonie. Padzielnik paśpieŭ źbiehčy, jaho jašče šukajuć.
«Apieratyŭniki kazali, što mužčynu, jaki ŭčyniŭ padpał, złavili, kali jon źlivaŭ paliva ź niečaj mašyny», — padzialiŭsia adzin z žycharoŭ Škłova. Jašče adzin dadaŭ, što mužčynu dastavili ŭ adździeł razam z rečavymi dokazami, siarod jakich była i kanistra ź bienzinam.
Pavodle jaho słoŭ, u horadzie abmiarkoŭvajuć viersiju pra toje, što dapytvany paprasiŭ u supracoŭnika milicyi prykuryć, a potym vyliŭ bienzin na siabie i milicyjanta — i padpaliŭ.
Čytajcie taksama:
Minzdaroŭja: Stan abharełaha supracoŭnika Škłoŭskaha RAUS vielmi ciažki
Na dopycie ŭ Škłovie mužčyna padpaliŭ siabie i supracoŭnika milicyi. Mužčyna zahinuŭ, milicyjant u reanimacyi
