Sievieradanieck ciapier kantralujecca 50 na 50
Rasijskija vajskoŭcy, jakija kantralavali 70% Sievieradaniecka, za apošnija dva dni adstupili, ciapier horad padzieleny napałovu, zajaviŭ kiraŭnik Łuhanskaj abłasnoj administracyi Siarhiej Hajdaj.
Pa jaho słovach, armija RF straciła vialikuju kolkaść asabovaha składu, u pałonie apynulisia vosiem rasijan. Pry hetym usie reziervy nakiravanyja na zachop Sievieradaniecka i trasy Lisičansk — Bachmut.
Napiaredadni Minabarony Rasii śćviardžała, što ŭzbrojenyja siły Ukrainy, niasučy straty ŭ šerahu padraździaleńniaŭ da 90%, adstupajuć ź Sievieradaniecka ŭ kirunku Lisičanska.
Pa słovach Hajdaja, nočču kala 30 snaradaŭ trapili ŭ budynak humanitarnaha štaba ŭ Lisičansku.
«Situacyja ŭ vobłaści zastajecca vielmi ciažkaj. Sa stvolnaj artyleryi i reaktyŭnych sistem załpavaha ahniu rasijanie 4 červienia abstralali Sievieradanieck, Lisičansk, Uścinaŭku, Uruboŭku i Taškoŭku. Avijacyjnyja ŭdary viertalotami Ka-52 naniesienyja ŭ rajonach Hornaha i Mirnaj Daliny, samalotami Su-25 — pa Uścinaŭcy. Rakietny ŭdar z kompleksu «Točka-U» naniesieny pa Lisičansku», — napisaŭ jon u tielehram-kanale.