U Słavakii sutyknulisia dva ciahniki, paciarpieli 74 čałavieki
Avaryja adbyłasia kala horada Vrutki. Łakamatyŭ urezaŭsia ŭ pasažyrski ciahnik, jaki stajaŭ na šlachach, piša DW.
U sutyknieńni pasažyrskaha ciahnika z čyhunačnym łakamatyvam, jakoje adbyłosia 3 červienia ŭ Słavakii 74 čałavieki atrymali traŭmy roznaj stupieni ciažkaści. Pavodle zajavy miascovaj palicyi, 59 čałaviek atrymali lohkija ranieńni, 11 — siaredniaj stupieni ciažkaści, čatyry — ciažkija traŭmy. Ź ich 34 čałavieki dastaŭlenyja ŭ bližejšyja balnicy.
Usiaho ŭ ciahniku na momant sutyknieńnia znachodzilisia kala 100 čałaviek. Avaryja adbyłasia kala horada Vrutki na paŭnočnym zachadzie Słavakii.
Pasažyrski ciahnik spyniŭsia na čyhunačnych šlachach z-za pałomki, u jaho ŭrezaŭsia łakamatyŭ, jaki pavinien byŭ akazać ciahniku techničnuju dapamohu, paviedamiła Ministerstva transpartu i budaŭnictva ŭ Bracisłavie.
