Žurnalisty Reuters trapili pad abstreł pa darozie ŭ Sievieradanieck. Ich kiroŭca zahinuŭ
Aŭtamabil z žurnalistami trapiŭ pad abstreł u piatnicu 3 červienia, kali nakiroŭvaŭsia va ŭschodnieŭkrainski horad Sievieradanieck, za jaki iduć žorstkija bai. Pra heta paviedamiła Reuters.
Fatohraf Alaksandr Jermačenka i apieratar Pavieł Klimaŭ jechali ŭ aŭtamabili, pradastaŭlenym prarasiejskimi siłami, pa ŭčastku darohi pamiž Sievieradanieckam i horadam Rubiežnaje, u 10 km na poŭnač. Hety adrezak utrymlivaje Rasija.
Ahienctva Reuters nie zmahło chutka vyśvietlić asobu kiroŭcy, jakoha sieparatysty prapanavali ahienctvu dla pajezdki. Ministerstva abarony Ukrainy nie adkazała na telefonny zvanok z prośbaj prakamientavać situacyju.
Jermačenku i Klimava dastavili ŭ balnicu ŭ Rubiežnaje, dzie im akazali pieršuju dapamohu. U Jermačenki — askiepkavaje ranieńnie, u Klimava — pierałom ruki.
«Reuters vykazvaje svaje hłybokija spačuvańni siamji kiroŭcy ŭ suviazi ź ich strataj», — havorycca ŭ zajavie pradstaŭnika Reuters.
