«Pačynajcie aziracca». Ukrainskija ŭłady identyfikavali 90 palicejskich, jakija stali kałabarantami
Ukrainskich palicejskich Danieckaj vobłaści i Maryupala, jakija dobraachvotna pierajšli na bok rasijskich akupantaŭ, udałosia identyfikavać. Pra heta paviedamiŭ daradca mera Maryupala Piatro Andruščanka i apublikavaŭ poŭny ich śpis.
2 červienia daradca mera Maryupala Piatro Andruščanka prainfarmavaŭ, što ŭ akupavanym rasijskimi vojskami Maryupali ŭkrainskija palicyjanty pierajšli na słužbu ŭ «DNR». Jon apublikavaŭ videa, na jakim bačna, jak supracoŭniki palicyi roznych rajonaŭ Danieckaj vobłaści pierachodziać na słužbu da akupantaŭ.
Pa hetym videa ŭsich zdradnikaŭ adrazu ž udałosia identyfikavać.
«Infarmacyjnyja vajary Maryupala identyfikavali ŭsich asob, jakija pierajšli pracavać na bok palicyi akupantaŭ. Usich z učorašniaha videa», — zajaviŭ Piatro Andruščanka.
«Ciapier ni adna mraZ nie schavajecca. 90 nieludziaŭ, jakija niadaŭna byli palicejskimi Ukrainy. Jakija byli zvolnienyja ŭ minułym. Roznyja, ale ŭsio mrazi ŭ adnym miescy. Zapiačatana. Pačynajcie aziracca, bł@dzi. Adpłata ŭžo pobač», — emacyjna napisaŭ Andruščanka.
