Palitviaźnia Paŭła Piaskova buduć sudzić za «złosnaje niepadparadkavańnie patrabavańniam administracyi kałonii»
U sudzie Babrujska i Babrujskaha rajona 14 červienia budzie razhladacca kryminalnaja sprava suprać palitźniavolenaha maładziečanca Paŭła Piaskova, asudžanaha za patasoŭku z amapaŭcami da troch hadoŭ i troch miesiacaŭ kałonii.
Nahadajem, što bojka adbyłasia 19 červienia 2020 u Maładziečnie, i heta byŭ pieršy palityčna matyvavany prysud za padziei 2020 hoda. Termin palitviazień adbyvaje ŭ babrujskaj kałonii №2.
Ciapier Paŭła buduć sudzić pa artykule 411 KK — złosnaje niepadparadkavańnie patrabavańniam administracyi papraŭčaj ustanovy. Raniej pravaabaroncam stała viadoma pra cisk administracyi kałonii na Piaskova — jaho rehularna źmiaščali ŭ ŠIZA.
Sud adbudziecca ŭ dzień naradžeńnia Paŭła — 14 červienia. Kryminalnuju spravu budzie razhladać sudździa Pavieł Karcinin.
Padtrymajcie palitviaźnia listami salidarnaści i pavinšujcie z dniom naradžeńnia: PK № 2, 213800, h. Babrujsk, vuł. Sikorskaha, 1, Pavieł Andrejevič Piaskoŭ.