Lubimy hulec Pucina zaklikaŭ jaho spynić vajnu va Ukrainie
Lehienda brazilskaha futboła Piele publična zaklikaŭ Uładzimira Pucina pakłaści kaniec uvarvańniu va Ukrainu.
«Ja chaču vykarystoŭvać siońniašniuju hulniu jak mahčymaść źviarnucca z prośbaj: spynić heta ŭvarvańnie. Nie isnuje arhumientaŭ, jakija mahli b apraŭdać hvałt», — zajaviŭ futbalist na svajoj staroncy ŭ Instahramie za niekalki chvilin da taho, jak nacyjanalnaja zbornaja Ukrainy pieramožna zhulała ŭ adboračnym matčy čempijanatu śvietu.
Apošnim razam Piele i Pucin sustrakalisia ŭ Maskvie ŭ 2017 hodzie padčas Kubka kanfiederacyj. Tady rasijski kiraŭnik nazyvaŭ karala futboła adnym sa svaich lubimych hulcoŭ.
«Kali my sustrakalisia ŭ minułym i abmieńvalisia ŭśmieškami, jakija supravadžajucca doŭhim pociskam ruki, ja nikoli nie dumaŭ, što adnojčy my budziem tak padzielenyja, jak siońnia», — napisaŭ Piele.
