U Aŭtuchoviča i Razanoviča padčas suda abvastrylisia prablemy sa zdaroŭjem
U hrodzienskaj turmie ŭžo treci tydzień idzie sud nad fihurantami «spravy Aŭtuchoviča». «Viasna» paviedamlaje, što ŭ Mikałaja Aŭtuchoviča i śviatara Siarhieja Razanoviča za hety čas pahoršyłasia zdaroŭje.
Mikałaj Aŭtuchovič u kletcy na sudzie
Viadoma, što ŭ Siarhieja Razanoviča cukrovy dyjabiet. Palitviazień užo niekalki dzion skardzicca na stan zdaroŭja. U minułuju piatnicu, kali ŭ sudzie pierajšli da dopytu Siarhieja, jon staŭ adčuvać siabie vielmi drenna, tamu pierapynak u sudzie abviaścili raniej, čym zvyčajna — u 16:00.
Taksama paviedamlajuć, što i ŭ Mikałaja Aŭtuchoviča abvastrylisia prablemy sa śpinaj, i jon uvieś čas adčuvaje mocny bol. Heta źviazana z kletkaj-«stakanam», u jakoj jaho štodzionna ŭtrymlivajuć amal try tydni. U «stakanie» amal niama miesca, a siadzieć možna tolki na vuzkaj łaŭcy.