Za zakliki da zabastoŭki na «Homsielmašy» ŭradžencu Ukrainy prysudzili hod kałonii
Sudom Vietkaŭskaha rajona byŭ vyniesieny prysud uradžencu Ukrainy Kiryłu Piatrenku pa kryminalnaj spravie ab arhanizacyi i padrychtoŭcy hrupavych dziejańniaŭ, jakija hruba parušajuć hramadski paradak (č. 1 art. 342 Kryminalnaha kodeksa). Sudździa Śviatłana Mažejka prysudziła Piatrenku adzin hod kałonii, piša «Viasna».
Pa materyjałach abvinavačańnia, Piatrenka 13 žniŭnia 2020 hoda stvaryŭ Telegram-kanał, na płatformie jakoha raźmiaščaŭ publikacyi, u jakich zaklikaŭ da aktyŭnaha ŭdziełu ŭ zabastoŭcy na pradpryjemstvie ŭ Homieli, dzie sam pracavaŭ.
U stvoranym Telegram-kanale Piatrenka taksama publikavaŭ i reposty z «destruktyŭnych kanałaŭ i čataŭ».
Prysudam suda abvinavačany Piatrenka pryznany vinavatym, jamu pryznačana pakarańnie ŭ vyhladzie pazbaŭleńnia voli na termin adzin hod z adbyvańniem u papraŭčaj kałonii va ŭmovach ahulnaha režymu.
