Borys Džonsan pra Pucina: Jak možna vieści pieramovy z krakadziłam?
Premjer-ministr Vialikabrytanii daŭ intervju Bloomberg, u jakim skazaŭ, što Ukrainie treba bolš nastupalnaha ŭzbrajeńnia, u pryvatnaści, dalnabojnych sistem załpavaha ahniu, jakija krainy Zachadu pakul nie pieradavali.
Taksama brytanski premjer prakamientavaŭ mahčymaść pieramovaŭ z prezidentam Rasii:
«Jak možna vieści pieramovy z krakadziłam, kali jon jeść tvaju levuju nahu. Heta toje samaje, što robić Pucin. Jon sprabuje zamarozić kanflikt, jon jašče sprabuje zaklikać da prypynieńnia ahniu…
Viadoma: my pavinny spynić vajnu, śviet adčajna patrabuje hetaha. Ale adziny sposab skončyć jaje — kali Pucin pryznaje, što voś hetaja jaho «denacyfikacyja» adbyłasia. I jon zmoža vyjści z kanfliktu z honaram i hodnaściu».
Džonsan padtrymaŭ ideju ab terminovaj pieradačy Ukrainie amierykanskich reaktyŭnych sistem załpavaha ahniu. Jon zajaviŭ, što vojski Pucina «praciahvajuć adhryzać terytoryju» na Danbasie i majuć u hetym «pavolny, ale, bajusia, adčuvalny prahres».
«Tamu absalutna nieabchodna, kab my praciahvali padtrymlivać ukraincaŭ u vajskovym dačynieńni. Ja dumaju, vielmi i vielmi važna, kab nas nie zaspakojvaŭ nievierahodny hieraizm ukraincaŭ, jakija adciaśnili ruskich ad varotaŭ Kijeva», — padkreśliŭ Džonsan.
