Stała viadomaje imia vajskoŭca, jaki pakinuŭ u razrabavanym domie ŭ Irpieni svajo fota
Ministr ličbavaj transfarmacyi Ukrainy Michaił Fiodaraŭ nazvaŭ imia i proźvišča rasijskaha vajskoŭca, čyjo fota znajšli ŭ razrabavanym domie ŭ Irpieni.
Fiodaraŭ śćviardžaje, što čałaviek na fota — Mikita Traćciakoŭ z Rastova-na-Donie. Jamu 26 hadoŭ.
Na jahonaj staroncy Ukantakcie — mašyny, armija, napaŭrazburanyja budynki i ałkahol.
«Ruskaśvietnaja idylija», — piša Fiodaraŭ.
Žycharka Irpienia znajšła ŭ svajoj razrabavanaj kvatery fota rasijskaha vajskoŭca, zroblenaje na jaje Polaroid. Jana viarnułasia ŭ svaju kvateru, dzie try tydni haspadaryli rasijanie, i znajšła pałamany fotaaparat chutkaha druku zdymkaŭ. Paśla pad dyvanom jana znajšła fota akupanta.
Žančyna miarkuje, što rasijski vajskoviec padumaŭ, što fotaaparat złamany, tamu kinuŭ i jaho, i zdymak, jakomu prosta byŭ patrebny čas, kab prajavicca.
U Valeryi skrali bolš za 10 załatych upryhožańniaŭ, ale nie zabrali kryžyki. Taksama zabrali nievialikija kaštoŭnyja rečy.
