Minčuka asudzili za ŭdzieł u pratesnych akcyjach 2020 hoda da troch hadoŭ «chimii»
12 krasavika ŭ sudzie Maskoŭskaha rajona Minska vyniesieny vyrak 34-hadovamu Rusłanu Ksionžyku. Jaho pryznali vinavatym pavodle art. 342 Kryminalnaha kodeksa i asudzili da troch hadoŭ «chimii». Mužčyna znachodziŭsia pad vartaj z 21 śniežnia 2021 hoda, jaho vyzvalili ŭ zale suda, piša «Viasna».
Rusłana pryznali vinavatym va ŭdziele ŭ «hrupavych dziejańniach, jakija hruba parušajuć hramadski paradak» 9 žniŭnia 2020 hoda.
Zhodna z abvinavačańniem, jon «z metaj publičnaha vykazvańnia niezakonnymi sposabami svaich hramadska-palityčnych pohladaŭ i pratestu, viadzieńnia destruktyŭnaj dziejnaści, pryniaŭ aktyŭny ŭdzieł u takich dziejańniach».
Taksama jaho pryznali vinavatym va ŭdziele ŭ mitynhu 30 žniŭnia 2020 hoda. U vinu jamu stavilisia dziejańni, amal identyčnyja tamu, što było padčas pieršaha mitynhu.
