Pa spravie Safii Sapiehi pryznanyja paciarpiełymi 223 čałavieki
Rodnyja asudžanaj rasijanki Safii Sapiehi dali ŭ rasparadžeńnie redakcyi «Zierkała» rezalutyŭnuju častku prysudu. Ź jaje stała viadoma, što paciarpiełymi pa spravie Sapiehi, asudžanaj da šaści hadoŭ kałonii, pryznanyja 223 čałavieki.
78 z 223 paciarpiełych dziaŭčyna pavinna vypłacić hrašovuju kampiensacyju maralnaj škody. Jak aceńvali maralnuju škodu ŭ kožnym kankretnym vypadku, nieviadoma, ale sumy adroźnivajucca.
12 paciarpiełym pryznačyli sumy ŭ 1000, čatyrom — pa 1500, 42-pa 2000, adnamu — 2500, 16 — pa 3000 i trom — pa 5000 rubloŭ. Ahulnaja suma iskaŭ — 167 500 rubloŭ.
Na pahašeńnie hramadzianskich iskaŭ Sapiezie adviedzieny adzin miesiac.
Napiaredadni stała viadoma, što abarona Safii Sapiehi nie stała abskardžvać prysud i jon ustupiŭ u zakonnuju siłu. Rodnyja dziaŭčyny paviedamili, što buduć padavać chadajnictva ab pamiłavańni, ale spačatku nieabchodna pahasić usie iski.
«Da spravy Sapiehi takich maštabnych prysudaŭ, pa kolkaści paciarpiełych i pamiery prysudžanaha štrafu, nie było. U baćkoŭ niama hrošaj, kab pahasić hetyja iski», — zajaŭlaŭ paśla vyniasieńnia prysudu advakat siamji Safii Sapiehi Anton Hašynski.
