Apazicyja ŭ Armienii zabłakavała prezidencki pałac
U Armienii praciahvajucca akcyi pratestu. Siońnia ranicaj prychilniki ruchu «Supraciŭ» zabłakavali pałac prezidenta. Jany paśladoŭna błakujuć roznyja viedamstvy. Tak učora błakavaŭsia budynak MZS.
Vakoł pałaca vystrailisia palicejskija. Pratestoŭcy abkružyli ich. Učora apazicyja błakavała ŭvachody ŭ Ministerstva zamiežnych spraŭ. Akcyja praciahvałasia niekalki hadzin.
«Naša meta — kab nivodzin supracoŭnik nie ŭvajšoŭ u prezidencki budynak. Čamu my zabłakavali prezidencki pałac? — bo praces idzie ŭ krainie ŭžo miesiac, heta ahulnanacyjanalny ruch, i čałaviek, jaki siadzić tut, adarvany ad realnaści», — zaklikaŭ svaich prychilnikaŭ vice-śpikier Nacyjanalnaha schodu, deputat ad frakcyi «Ajastan» Išchan Sahacielan, paviedamlaje News.am.
Armianskaja apazicyja choča damahčysia adstaŭki premjer-ministra Nikoła Pašyniana. Jana nie zhodnaja ź jaho palitykaj u śfiery ŭrehulavańnia karabachskaha kanfliktu i prymireńnia z Azierbajdžanam.