Raźviedka Finlandyi: Rasija zachoča, ale nie zmoža ŭmacavać miažu z NATA
Jak miarkuje kiraŭnik raźviedcentra sił abarony Finlandyi pałkoŭnik Esapieki Viechkaoja, paśla ŭstupleńnia Finlandyi ŭ NATA Rasija budzie kazać pra nieabchodnaść umacavać hety novy ŭčastak miažy z aljansam, ale praź niedachop resursaŭ nie zmoža hetaha zrabić.
Na dumku pałkoŭnika, u najbližejšyja hady Rasija nie zmoža zrabić praktyčnyja kroki ŭ hetym kirunku, pakolki jaje armija budzie asłablena vajnoj va Ukrainie, paviedamlaje Bi-bi-si.
Viechkaoja taksama śćviardžaje, što vajskovaja raźviedka Finlandyi vydatna ŭjaŭlaje sabie, što adbyvajecca i płanujecca ŭ Rasii.
Aficyjnyja zajaŭki ab ustupleńni ŭ NATA ŭrada Finlandyi i Šviecyi padali 18 maja. Dla zaviaršeńnia pracesu adpaviednaje rašeńnie na nacyjanalnym uzroŭni pavinny pryniać usie 30 krain — udzielnic Aljansu.