Znajści
Ałharytmičny łacinski varyjant
21.05.2022 / 09:10RusŁacBieł

Dziarždepartamient ZŠA prakamientavaŭ čutki ab prypynieńni sankcyj suprać biełaruskaha kaliju

Pres-sakratar Dziarždepartamienta Nied Prajs padčas bryfinhu prakamientavaŭ publikacyju ŭ The Wall Street Journal ab tym, što ZŠA razhladajuć mahčymaść prypynieńnia sankcyj u dačynieńni da biełaruskich kalijnych uhnajeńniaŭ u abmien na tranzit ukrainskaha zbožža ŭ Kłajpiedu. Pradstaŭnik amierykanskaha źniešniepalityčnaha viedamstva prama nie paćvierdziŭ i nie abvierhnuŭ hetyja źviestki, paviedamlaje Reform.by.

Jon adznačyŭ, to za apošnija dni ŭ AAN byli abmierkavanyja mnohija aśpiekty charčovaj biaśpieki, źviazanyja z napadam Rasii na Ukrainu. Sa słoŭ Prajsa, Maskva imkniecca ŭsimi sposabami źniać ź siabie adkaznaść za prablemy z pastaŭkami zbožža i pierakłaści jaje na inicyjataraŭ sankcyj. 

«Urad Rasii, vykarystoŭvajučy ŭ hetym vypadku charčavańnie jak zbroju, błakujučy ekspart — vyvaz praduktaŭ charčavańnia z partoŭ Ukrainy, imknuŭsia źniać ź siabie adkaznaść za svaje dziejańni, abvinavačvajučy sankcyi ŭ zbojach u suśvietnym handli charčavańniem. Heta zaviedama iłžyva. Našy sankcyi ŭ dačynieńni da Rasii śpiecyjalna vyklučajuć pradukty charčavańnia i ŭhnajeńni», — skazaŭ Prajs.

Jon adznačyŭ, što dla vyrašeńnia prablem u śfiery charčovaj biaśpieki Kreml u pieršuju čarhu pavinien spynić svaju ahresiju suprać Ukrainy, što dazvolić ukrainskim ahraryjam spakojna vyraścić uradžaj, a marskim sudam dastaŭlać ukrainskaje zbožža spažyŭcam.

Pres-sakratar Dziarždepartamienta taksama vykazaŭ padtrymku namahańniam hienieralnaha sakratara AAN, nakiravanych na rašeńnie takich prablem.

«My padtrymlivajem jaho namahańni, nakiravanyja na toje, kab pierakanać Rasiju spynić niespravakavanuju, nieapraŭdanuju vajnu, i jaho namahańni, nakiravanyja na toje, kab Ukraina mahła bieśpieraškodna ekspartavać svaju sielskahaspadarčuju pradukcyju, kab znoŭ dapamahčy nakarmić śviet», — skazaŭ jon.

Havoračy pra Biełaruś, Prajs adznačyŭ, što sankcyi ŭ dačynieńni da «Biełaruśkalija» i «BKK» byli ŭviedzienyja ŭ 2020 hodzie ŭ adkaz na dziejańni biełaruskich uładaŭ suprać mirnych pratestaŭ i parušeńnia asnoŭnych pravoŭ čałavieka.

«Mienavita režym Łukašenki vykarystoŭvaje hetyja dziaržaŭnyja pradpryjemstvy dla ŭzbahačeńnia i padtrymańnia svajho represiŭnaha režymu. I da taho času, pakul režym nie spynić padtrymku niespravakavanaj ahresii Rasii suprać Ukrainy, my praciahniem pradprymać usie nieabchodnyja dziejańni dla padryvu jaho vajennych i finansavych mahčymaściaŭ z dapamohaj metanakiravanych sankcyj, uklučajučy dziejańni, pryniatyja suprać Rasii», — skazaŭ Prajs.

Jon padkreśliŭ, što sankcyi zastanucca klučavymi instrumientami ŭ namahańniach pa vyrašeńni prablem hłabalnaj biaśpieki, parušeńniaŭ pravoŭ čałavieka ŭ Biełarusi i ŭ inšych halinach, jakija vyklikajuć zaniepakojenaść ZŠA.

The Wall Street Journal: ZŠA hatovyja prypynić sankcyi adnosna biełaruskaha kaliju ŭzamien za zhodu Biełarusi na tranzit ukrainskaha zbožža ŭ Kłajpiedu

Cichanoŭskaja Zachadu: Hoład ci pravy čałavieka — falšyvaja dylema Łukašenki

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
42
Панылы сорам
1
Ха-ха
2
Ого
1
Сумна
1
Абуральна
9
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031