«Vialikaja siamiorka» vydzielić 19,8 młrd dalaraŭ na ŭmacavańnie finansavaj sistemy Ukrainy
Krainy «Vialikaj siamiorki» (G7) paabiacali vydzielić 19,8 młrd dalaraŭ na ŭmacavańnie ŭkrainskaj finansavaj sistemy, pakul Kijeŭ zmahajecca z rasijskim uvarvańniem. Pra heta havorycca ŭ kamiunikie, apublikavanym paśla zaviaršeńnia sustrečy ministraŭ finansaŭ krain G7, jakaja adbyłasia ŭ 20 traŭnia, paviedamlaje Radyjo Svaboda.
«U 2022 hodzie my pieradamo 19,8 młrd dalaraŭ na padtrymku biudžetu, u tym liku 9,5 młrd dalaraŭ niadaŭnich abaviazacielstvaŭ… kab dapamahčy Ukrainie zakryć deficyt biudžetu i praciahvać zabiaśpiečvać pradastaŭleńnie bazavych pasłuh ukrainskamu narodu», — havorycca ŭ kamiunikie.
Akramia taho, u im vitajuć pracu G7 i mižnarodnych finansavych ustanoŭ pa dalejšym finansavańni Ukrainy, u pryvatnaści — prapanovu Jeŭrapiejskaj kamisii ab nadańni dadatkovaj makrafinansavaj dapamohi ŭ pamiery 9 miljardaŭ jeŭra.
Dadatkovaja zapłanavanaja padtrymka ŭkrainskich dziaržaŭnych pradpryjemstvaŭ i pryvatnaha siektara praź Jeŭrapiejski bank rekanstrukcyi i raźvićcia i Mižnarodnuju finansavuju karparacyju składaje 3,4 miljarda dalaraŭ.
Pavodle acenak Ukrainy, joj patrabujecca kala 5 miljardaŭ dalaraŭ u miesiac, kab padtrymlivać vypłatu zarobku dziaržaŭnym słužačym i pracu administracyi.
