Arciomu Kasakoŭskamu, asudžanamu da piaci hadoŭ kałonii, prakuror zapytaŭ jašče paŭtara hoda
U sudzie Lidskaha rajona prajšoŭ razhlad novaj kryminalnaj spravy suprać 23-hadovaha palitviaźnia Arcioma Kasakoŭskaha. Jon adbyvaŭ termin u piać hadoŭ źniavoleńnia pa minskaj «spravie čata» ŭ navapołackaj kałonii, ale ciapier jaho sudziać za ŭdzieł u akcyjach pratestu ŭ rodnym horadzie Lida ŭ žniŭni 2020 hoda, paviedamlajuć pravaabaroncy.
Ciapier pa tych padziejach jamu vystavili abvinavačvańnie pa troch artykułach KK: art. 341 (apahańvańnie abo źniščeńnie majomaści), č. 1 art. 342 (udzieł u dziejańniach, jakija hruba parušajuć hramadski paradak), art. 364 (hvałt albo pahroza prymianieńnia hvałtu ŭ dačynieńni da supracoŭnika orhanaŭ unutranych spraŭ).
Pa novych abvinavačvańniach prakuror zaprasiŭ dla palitviaźnia jašče 1,5 hoda kałonii.
Vinu Arciom pryznaŭ, ale rastłumačyŭ, što na prypynkach malavaŭ BČB-ściahi, kab «ludzi nie zabyvali».
«Viadoma, jon nie čakaŭ, što zapytajuć termin, prosta źbialeŭ, kali abvinavaŭca zajaviŭ. Ale vyhladu nie padaŭ.
Z kaledža pryjšoŭ list, patrabujuć pakryć srodki, vydatkavanyja na jaho navučańnie, bo nie adpracavaŭ dva hady. Syn vučyŭsia na pavyšanuju stypiendyju, byŭ praforham hrupy, usiudy na dobrym rachunku. Siońnia začytvali charaktarystyku ź miesca pracy, vielmi dobra adhukajucca pra jaho», — raspaviała maci Arcioma.